Plantun de Prouvènço

Pèr coumpara dos planto d'encò nostre

Zygodon rupestris & Abies bornmuelleriana

Zygodon rupestris

Orthotrichaceae

Nom en français : Houppe des rochers.

Descripcioun :
Aquelo mousso coumuno acroucarpo d'aperaqui 1 cm d'aut, se vèi bèn sus li pège d'aubre (pin, éuse, roure...). Li tijo soun dreissado en "C" e s'envertouion un cop seco. I'a un mouloun de rizouïde brun e papilous à la baso. Li fueio de 1,5 mm de long soun en formo de lanço emé uno costo que s'acabo en pouncho. Fai raramen d'espouroufite, pamens i'a proun de proupagulo (fotò) sus li bord di fueio.

Usanço :
Lou flouquet-dis-aubre èi lou mai coumun di Zygodon au nostre. Zygodon viridissimus s'atrovo dins li fourèst mai fredo dóu Neckeretea complanatae ; si fueio soun mai torso e si proupagulo diferènto.

Port : Acroucarpo
Taio : 1 cm
Fueio : 0,7 à 1,5 mm
Tipe bioulougico :
Cicle bioulougico : Planto renadivo

Gènre : Zygodon
Famiho : Orthotrichaceae

Ordre : Orthotrichales

Coulour de la flour :
Petalo : 1 cm
Ø (o loungour) flour : 16 dènt
Flourido : printèms - Estiéu

Sòu : Ca
Autour basso e auto : 0 à 1800 m
Aparado : Noun
abriéu à setèmbre

Liò : Pège
Estànci : Mesoumediterran à Mountagnard
Couroulougi : Mieterrano
Ref. sc. : Zygodon rupestris Schimp. ex Lorentz, 1865

Sapin(-de-Bornmüller)

Abies bornmuelleriana

Pinaceae

Àutri noum : Sapin(-de-Turquìo), Sap, Sapino, Abet, Sapi.

Noms en français : Sapin de Turquie, Sapin de Bornmüller.

Descripcioun :
Lou sapin-de-Turquìo trachis naturalamen en Anatolìo. Au nostre es esta planta pèr lou rebouscage. Sèmblo proun à nosto sapino, Abies alba, pamens li fueio soun un pau mai longo (+ 1/4) e pas touto dins lou meme plan, que n'i'a que vènon sus lou dessubre. Pèr lou destria dóu sapin-de-Nordmann, fau regarda li bourroun que soun proun resinous (e peréu li pigno). Tambèn lou bout de la fueio es un pau pounchu e a pas ges de marco bifido eici. Coumpara emé lou sapin dóu nostre que ié sèmblo proun .

Usanço :
Dèu agué li mémis usanço que la sapino. Coume lou sapin-de-Nordmann èi vendu dóu tèms de Nouvé.

Port : Aubre
Taio : 10 à 50 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Abies
Famiho : Pinaceae

Ordre : Pinales

Coulour de la flour : Roso
Petalo : ges
Ø (o loungour) enflourejado : 10 à 15 cm
Flourido : Printèms

Sòu : Ca
Autour basso e auto : 400 à 1900 m
Aparado : Noun
Abriéu à jun

Liò : Sapiniero
Estànci : Subremediterran à Subaupen
Couroulougi : Óurigino pountico
Ref. sc. : Abies bornmuelleriana Mattf., 1925 (= Abies nordmanniana subsp. bornmuelleriana (Mattf.) Coode & Cullen, 1965 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Zygodon rupestris & Abies bornmuelleriana

CCC

Coumpara Flouquet-dis-aubre emé uno autro planto

Coumpara Sapin(-de-Bornmüller) emé uno autro planto